[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يازين نظم القاف لازان جوه = بلسان شاعر ماتحيّر بقوله
جزل الشعر يبغى حكيم مفوّه = وانا احمد الله واحدٍ من فحوله
اقطف من وروده لياجيت دوّه = ولاغصت في بحره تنقيت لوله
بيني وبينه من قديم إخوه = صديق عمري من سنين الطفوله
جهزت للمشوار حضرت سموّه= واسرجت من جزل المعاني خيوله
اللي يبي يدفا يقرب لضوّه = واللي يبي يطرب ينوخ ذلوله
لاهاض ماخبيت بالبال جوّه = عبرتلك عمّا تكن القفوله
ياهل الشهامه والشرف والمروه = ماكل رجال يعز الحموله
احداً شهدله بالرجوله عدّوه = واحداً قريبه ماذكربه رجوله
احداً رضا ذل الهوان ودنوّه = واحداً بناله في سما العز دوله
واللي قضى عمره بليته ولوّه = ماظنتي لاقال شي يطوله
طيب الرجل ماهو شبيه لسوّه = وكلن يبين معدنه من فعوله
طيب الرجل دايم يزيد بعلوه = والا الردي فعله يزيد بنزوله
والفرق بين الناس ماهو بتوّه = وكلن على ماقيل يتبع ميوله
يالله راع الخير للخير قوّه = ويالله راع الشر غيب بزوله
يامرسل خير البشر بالنبوه = ويامنزل الوحي الشريف لرسوله
[/poem]
ارجو ان تنال رضاكم
