قلبت المواجع يا أبو تركي (( للمناقشة )) مهم

مشكلة يواجهها إلي ما عنده واسطة أو يظلم بسبب مصلحت الأخرين

أبدأها بما حصل معي :

أذكر أول ما تخرجت من الثانوية قدمت على جامعة الإمام وحصلت تخصص حلوو
إلي هو إعلام وكان خياري الثاني إدارة أعمال

المهم لما وصلني الدور وجلست على الكرسي طلب مني موظف التسجيل ش التخصص إلي ترغب فيه قلت له التخصص قال دقايق أسجل البيانات
بعد كم دقيقة دق جواله وبعد ما أنتهى من المكالمة قالي معليش الكرسي راح عليك
قلت له طيب ماهي مشكلة خياري الثاني إدارة أعمال أبي أسجل فيه قالي ما أقدر أسجل أحد أنتهى التسجيل لأن الأماكن كلها محجورة.

طلعت وأنا ماني مصدق إلي حصل

المهم قلت فيها خيره يمكن أحصل تخصص مناسب في جامعة الملك سعود

وجاء وقت التقديم لـ جامعة الملك سعود رحت لـ جامعة الإمام وسحبت ملفي

وكنت من الأوائل إلي حضروا لـ التسجيل في جامعة الملك

بعد ما عبيت بياناتي قدمتها لهم قالوا لي التخصص إلي يناسبك إدارة ماليه وهذا التخصص ما أرغب فيه ولا عندي أي خلفيه عنه وهو كان بيدة أسماء إلي يسجلون بالجامعة و نسب تخرجهم من الثانوية مكتوبه كلهمم في 60 و الـ 70 % وأنا نسبتي 86% علمي
قلت لهم أبي التخصص .......... قالوا هذا التخصص لـ غيرك مو لك

ش السبب إلي يخليهم يرفضون طلبي لـ التخصص المتاح وإلي أرغب فيه

عشاني قبيلي ولا عندهم تعصب قبلي أو أنهم ما يخدمون إلا إلي من وراهم مصلحه

من القهر شققت الأوراق كلها إلي كنت بقدمها لهم إلا الشهادة الأصلية ورميتها عليهم

لأن مو معقولة من الساعة 6 الصباح عندهم ولا طلعت إلا الساعة 12 كل هذا الوقت راح بدون فايدة؟؟؟

بعد كم يوم قالي واحد من خوياي أن فيه تقديم على كلية (كلية التقنية بالرياض) بحي صلاح الدين مع أني ما قد سمعت بها

إلا اني قلت له ماهي مشكلة نروح نقدم عليهم يمكن يقبلونا

ويوم جاء وقت التسجيل ما خلينا شارع إلا مريته عشر مرات وبالأخير حصلته

قدمت عليهم وقبلوا طلبي لـ التخصص إلي أرغبة بدون أي تأخير أو تعطيل

لكن بالأخير تفاجأة بأخر ترم لي بالكلية بأختبار أحد المواد بوجود 10 صفحات ومدة الأختبار ساعتين

عدد المسائل 7 و 50 فقرة صح و خطأ العجيب بـ هالأختبار أن المسائل مع أن حلها طويييييييييييييل إلا أنها أرحم من الـصح و الخطأ بالأخير أخذت عنده d+ يعني المعدل الحلو طاااااااااااااااااااااااا ر مع أن كل موادي يا a+ أو a

على الأقل أحسن من غيري إلي حمل المادة أفضل طالب ماخذ عنده c+

لكن هذا كله ما يهم أبداً

فيه شيء مسغربة جداً

ولد عمي متخرج معي في نفس السنة ونسبة تخرجه 91.34%
وطامر بكل مكان ولا حصل لا قبول بـ أي جامعه أو وظيفة بشهادة الثانويه

حتى أنه أظطر يدور على أي فرصة خارج الرياض

راح لـ الجوف و القصيم و الشرقية قدم على جامعاتها
حتى أنه دور على وظائف عسكرية لكن ما حصل منهم

إلا رفسه مع الباب

مع أنه شخص ماعنده أي خلفية إجرامية أو شكل يدل على انه مشبوه


قال ماهي مشكلة ببني نفسي بالعمل الحر
قالي عن أقتراحه وشاركت معه و أنظم لنا خويي صرنا ثلاثة متشاركين

بعد فترة من الفكرة إلي طبقناها جتنا خسائر قوية

والحين هو جالس عاطل باطل وأنا أدور على وظيفة وخويي مستقعدين له مهندسن الكلية كل واحد منهم يغيب الترم كلهم ويجي بأخر الترم ويقولهم من الصفحة الفلانية لين الصفحة الفلانيه ذاكروها بتجي في الأختبار ليت الصفحات عددها معقول أو فاهمين شي منها إلا أن عددها أكثر من 200 صفحة غير مفهومه بالنسبه لهم وحمل كم مادة معه وباقي قدامه المشوااااااااااااار طويل

ارائكم وأقتراحاتكم تهمني أو اي فكرة

أبي أقتراحات وحلول من وجهت نظركم

الواو


مصيبتنا في هالبلد

فيتامين للبعض ومحروم منه البعض


متى نتخلص من الواسطات عشان ما يٌظلم المبدعين


الله يعينك ويعين كل محروم من حرف الواو

أخوي العاشق بالنسبة لولد عمك حلوووة وتنقبل واحد الله يذكره بخير نسبة 88 وانقبل بجامعة الملك سعود

لغة فرنسية ولانه برياض ومع زحمة الشوارع كان يتأخر عن المحاضرات وتوه مستوى أول جاه حرمان

بثلاث مواد وتركها وطفش وجا الطائف وقبلوه ادارة وأعمال بالراحه وحمد الله نجح هالترم والله حرام ان ولد عمك مايدخل الجامعة

وولد عمتي نسبتة 78 ودخل العسكرية بغيت أقول لك توظف تذكرت انه دخلها بواسطة يعني موضوع معقد

وحظ الي عنده واسطه والله كريم أخوي وربي يرزقكم بالوظايف الي تبونها


وخويي مستقعدين له مهندسن الكلية كل واحد منهم يغيب الترم كلهم ويجي بأخر الترم ويقولهم من الصفحة الفلانية لين الصفحة الفلانيه ذاكروها بتجي في الأختبار ليت الصفحات عددها معقول أو فاهمين شي منها إلا أن عددها أكثر من 200 صفحة

العاشق هاذي يبيلها موضوع خاص انا ماأدري وش يستفدون لما يخلون المنهج عدد صفحاته كثيره

وبعضهم نذاكر من كتاب ومذكره كاانهم يبون يطلعون التخرج من عيوننا والمشكلة انهم يقرون صفحات

ويحددون من صفحة كذا لصفحه كذا شئ يقهر بس حمد الله افتكينا منهم ومن غثاهم بس عندي مادة

d+ قاهرتني من مستوى أول ماجبت هالتقدير على أخر ترم أجيبه الحمد الله على كل حال والله يعوضني خير


ومشكور أخوي على هيك موضوع

اقتباس:

---

المشاركة الأصلية كتبت بواسطة ( غربة الروح )

الواو


مصيبتنا في هالبلد

فيتامين للبعض ومحروم منه البعض


متى نتخلص من الواسطات عشان ما يٌظلم المبدعين


الله يعينك ويعين كل محروم من حرف الواو

---

الله لا يوفقهم دنيا وأخره

المشكلة فيه بنود يتم التقيد بها لـ قبول المتقدمين لكن ما أقول إلا حسبي الله ونعم الوكيل

يعطيك العافية على ردك

اقتباس:

---

المشاركة الأصلية كتبت بواسطة غلا أبوها

أخوي العاشق بالنسبة لولد عمك حلوووة وتنقبل واحد الله يذكره بخير نسبة 88 وانقبل بجامعة الملك سعود

لغة فرنسية ولانه برياض ومع زحمة الشوارع كان يتأخر عن المحاضرات وتوه مستوى أول جاه حرمان

بثلاث مواد وتركها وطفش وجا الطائف وقبلوه ادارة وأعمال بالراحه وحمد الله نجح هالترم والله حرام ان ولد عمك مايدخل الجامعة

وولد عمتي نسبتة 78 ودخل العسكرية بغيت أقول لك توظف تذكرت انه دخلها بواسطة يعني موضوع معقد

وحظ الي عنده واسطه والله كريم أخوي وربي يرزقكم بالوظايف الي تبونها


وخويي مستقعدين له مهندسن الكلية كل واحد منهم يغيب الترم كلهم ويجي بأخر الترم ويقولهم من الصفحة الفلانية لين الصفحة الفلانيه ذاكروها بتجي في الأختبار ليت الصفحات عددها معقول أو فاهمين شي منها إلا أن عددها أكثر من 200 صفحة

العاشق هاذي يبيلها موضوع خاص انا ماأدري وش يستفدون لما يخلون المنهج عدد صفحاته كثيره

وبعضهم نذاكر من كتاب ومذكره كاانهم يبون يطلعون التخرج من عيوننا والمشكلة انهم يقرون صفحات

ويحددون من صفحة كذا لصفحه كذا شئ يقهر بس حمد الله افتكينا منهم ومن غثاهم بس عندي مادة

d+ قاهرتني من مستوى أول ماجبت هالتقدير على أخر ترم أجيبه الحمد الله على كل حال والله يعوضني خير


ومشكور أخوي على هيك موضوع

---

إلي يقهر الواحد انه بعد كل هالسنوات الدراسية وتعبه وأجتهاده وحصوله على نسب حلوة ومقبوله إلا أنه بالأخير لا يقوم إلا بـ تحضير مقبرة لـ جميع أحلامه وفرص حياته

[align=left]
يـــدفـــنـــها بـ تــــــراب مــــلـــيء بـــ حــــــرف الـ واو
[/align]

فيتامين واو

صارت مصيبه للعالم الناس ماتعيش غير فيها صارت الناس ماتفرق بين الحق والباطل

الناس ماتمشي غير بالشكل هذا اعوذ بالله

الي يقهرك لما تشوف غيرك اقل منك تقدير وهو الي يحصل كل شي

يعني مثل عندنا بالجامعه والله فيه بنات مايذاكرون ويغيبون عن المحاضرات وهم الناجحين وبنات كل هالسنه مجتهدات هم الراسبات

ياخوي عليك بالدعاء والاستغفاااااااااااااااار كثر منه على الاقل باليوم 2000 مره استغفر وباذن الله راح تلقى

الله مايرد دعاء السائلين وغير كذا قدم اوراقك على كل مكاااان وتوكل على الله

وان شاء الله تحصل الوظيفه الي تتمناه ياااااااااارب لا ترده.....


تقبل مروري..

الله يوفقك اخوي العاشق ويرزقك بالوظيفه اللي تبيها

ووسع صدرك الدنيا ماتمشي الا بالواسطة حتى في المقابر فيها حجز


استغفر الله والله لايبلانا منجد وباااااااااااااااااء عافانا الله

(بعدين عندك اكبر واسطة الله سبحانه مايخيب يدا دعته)

تقبل احترررررررررررررامي

8


8


8



صـــــــــــــح عليـــكـ !!



,

المشكلة هي فتامين واو

مشكلة كثير من المجتمع

و الله يعين الصابرين

و تقبلوا مروري

أخوكم : سعد عيد

[ ][color="purple"]والله على العين واالرأس كلامك صح في صح انا عانييت مثلك مع انني بنت لكن والله طلعت عيوني في الثانوية العامة ايام الاسئلة الموحدة الحمدللة تخرجت 88% وانقبلت بالجامعة ومشى الحال وفعلاً كنت أقول لو ما اتقبلت ما عندي واو علشان انقبل الحدلله دخلت الجامعة وتخرجت وتوظفت بدون واو صحيح مدرسة أهلية لكن ولله الحمد احس من جلستي بين اربع جدران الله يعينك ويوفقك في أرمكو والا الشركات الكبرى ترى ماتهم الواسطة اهم شئ اللغة الانجليزيةيكون عندك بالذات أرمكو ][/color]

اقتباس:

---

المشاركة الأصلية كتبت بواسطة شوووووووووووق

فيتامين واو

صارت مصيبه للعالم الناس ماتعيش غير فيها صارت الناس ماتفرق بين الحق والباطل

الناس ماتمشي غير بالشكل هذا اعوذ بالله

الي يقهرك لما تشوف غيرك اقل منك تقدير وهو الي يحصل كل شي

يعني مثل عندنا بالجامعه والله فيه بنات مايذاكرون ويغيبون عن المحاضرات وهم الناجحين وبنات كل هالسنه مجتهدات هم الراسبات

ياخوي عليك بالدعاء والاستغفاااااااااااااااار كثر منه على الاقل باليوم 2000 مره استغفر وباذن الله راح تلقى

الله مايرد دعاء السائلين وغير كذا قدم اوراقك على كل مكاااان وتوكل على الله

وان شاء الله تحصل الوظيفه الي تتمناه ياااااااااارب لا ترده.....


تقبل مروري..

---

إن شاء الله الله يسمع منك

ويوفقنا جميعاً

يعطيك العافية على المرور

اقتباس:

---

المشاركة الأصلية كتبت بواسطة تناهيد الليالي

الله يوفقك اخوي العاشق ويرزقك بالوظيفه اللي تبيها

ووسع صدرك الدنيا ماتمشي الا بالواسطة حتى في المقابر فيها حجز


استغفر الله والله لايبلانا منجد وباااااااااااااااااء عافانا الله

(بعدين عندك اكبر واسطة الله سبحانه مايخيب يدا دعته)

تقبل احترررررررررررررامي

---

والنعم بالله

لكن إلي ما يخافون الله هم أساس المشاكل

يعطيك العافية على المرور

اقتباس:

---

المشاركة الأصلية كتبت بواسطة سعد عيد

المشكلة هي فتامين واو

مشكلة كثير من المجتمع

و الله يعين الصابرين

و تقبلوا مروري

أخوكم : سعد عيد

---

الصبر مفتاح الفرج مثل ما يقولون

يعطيك العافية على المرور

اقتباس:

---

المشاركة الأصلية كتبت بواسطة الشوق الحزين

[ ][color="purple"]والله على العين واالرأس كلامك صح في صح انا عانييت مثلك مع انني بنت لكن والله طلعت عيوني في الثانوية العامة ايام الاسئلة الموحدة الحمدللة تخرجت 88% وانقبلت بالجامعة ومشى الحال وفعلاً كنت أقول لو ما اتقبلت ما عندي واو علشان انقبل الحدلله دخلت الجامعة وتخرجت وتوظفت بدون واو صحيح مدرسة أهلية لكن ولله الحمد احس من جلستي بين اربع جدران الله يعينك ويوفقك في أرمكو والا الشركات الكبرى ترى ماتهم الواسطة اهم شئ اللغة الانجليزيةيكون عندك بالذات أرمكو ][/color]

---

اللغة الأنجليزية عندي لكن مو ذاك الدفاره ^_^

وأرامكو أختبرت عندهم بعد ما تخرجت من الثانوية على طول قدمت على برنامج التدرج

و أختبرت أختبار القبول الأختبار عديته لكن تفاجأة بأنهم يقولون العدد أكتفى !!!

والحين معي شهادة آلات ومعدات كهربائية وبقدم عليهم مرة ثانيه والله يستر


يعطيك العافية على النصيحة

ومشكورة على المرور