صور لميـس مع شباب بالفيصلية !!!!
وصلني هالموضووع على بريدي وحبيت تشاركووني قرااءته لنتعرف على مدى الانحطاط الفكري الذي وصل له شبااابنا وشغف لفت الانتباااه الذي تغلغل في نفووسهم نتيجة عيشهم على هامش المجتمع - الا من رحم ربي- ...
يقوووول صاحب الايميل
اللي دعاني لكتابة هالموضوع هو منظر شفته أمس في فيصليتنا الحبيبة مصيف أهل الرياض
ياما شفنا فيها من تقليعات وحركات هبال ويا ما حنشوف .. تفأجأت حبتين بالمنظر لأني
كنت أحسب حمى المسلسلات التركية طفت شوي بس شكل الفراغ عامل عمايله في شبابنا
ما لكم بالطويلة ..
كنت طالع الفيصلية أمس وأنا طالع عالدرج قالت لي أختي : لف وراك شف ذالمتخلفين وش مسويين
حاولت ما أبين إني أطالع ولفيت وجهي وشفت شابين سعوديين في عمر الزهور ( أمحق زهور )
واحد لابس ثوب والثاني تي شيرت والكشرة ماليه وجيههم وملامحهم تقطر فخر وشموخ
http://sfsaleh.com/9war/uploads/33b22ad338.jpg
طبعا ما دريتوا ليه الفخر والشموخ ؟ أنا أقولكم
كانوا المماليح طابعين صورة لميس حقت سنوات الضياع (الممثلة التركية ) على صدورهم
ورازين خششهم في كل مكان مبسوطين على لفت الإنتباهـ
http://sfsaleh.com/9war/uploads/87ef2cdfae.jpg
والتعليقات والهمهمة والتهزيئات اللي
تجيهم من هذا وذاك وين ما راحوا ( على بالهم مسوين حركة ) لا ويقول واحد منهم تعال نروح
لصالة المطاعم ماشافونا هناك ؟؟؟؟؟ الحمد لله والشكر يا مثبت العقول بس !
http://sfsaleh.com/9war/uploads/8b79c3fdb9.jpg
يعني صح لميس حلوة وكذا بس من هي لميس ووش سوت عشان تنرز صورتها بهالطريقة على
صدور رجال مشوربين وكل واحد كبر الجدار.. تصدقون ما ذكرت إلا المثل اللي يقول
( أجسام البغال وعقول العصافير ) مع احترامي للبغال !
المهم لحقهم ولد أختي الصغير وصورهم .. صح ان الشباب عليهم طلعات بس منظرهم سخييف وتافه
لهالدرجة وصل فينا الإنحطاط الفكري ولا عاد يشغلنا غير لميس ومهند وربعهم !!!
اللهم اصلح شباااااااااب المسلمين ياااااااااااااااااااااااا رب...