وينك يارئيس الرابطة وجمهور الهلال

السلام عليكم ومساكم الله بالخير ياشعب الهلال

بغض النظر عن التعادل السلبي ياشباب
ودي أعرف ياجمهور الهلال في الرياض والرابطة وينكم عن أشباة الرجال الي بالمدرجات
معقولة ياشباب مباراة تجيب النوم وفوق الهم هذا يطلع واحد يصيح بأعلى صوتة ماتدري الحين تدعي علية أو تدعي أن الله يخفف علية حالة الولادة الي يمر فيها

ياشباب وربي مفروض أي واحد يخرج عن المباراة بالمدرجات يطردونة والله عيب أقسم بالله

والمشكلة أنها تتكرر في كل مباراة والشي هذا يضيق الصدر ولا أحد يتكلم بالموضوع والله ماشفناها عند الفرق الثانية مانشوفها الا عندنا بالأمانة
وهذا يدل أما أنه واحد حاقد ومتعمد يسوي هالشي أو واحد ماهو جاي يشجع .. جاي صياعة ومضيعة وقت

أتمنى ياجمهور الهلال بالرياض تتعاملون بحزم مع السلنتح الي مثل هذا واعذروني على ألفاظي لكن شي يرفع الضغط
والسلام