نقطتين نجران مفتاح الدوري ! بهدوء بدون إنفعال ..

بسم الله الرحمن الرحيم

طبعاً هي كذا الدنيا أرزاق الي تخلي السوادي يراكض بالملعب الله لا يضره والعوفي والفهمي
رباط صليبي واصابات متكرره للثاني هذا هو حظ الاهلي بإختصار

طبعاً إنحرق دمي من المباراه حالي حال كل أهلاوي غيور بس إذا جينا لنقطه الأهلي لعب
كويس ! لو العارضتين دخلت اهداف رفعتوا بالسوادي السما وكرستيان قروس افضل
مدرب إلخ ..

يعلم الله إني لا مطبل ولا مخدر مُجرد مشجع أهلاوي بسيط يرى بالنقطتين الي خسرها الفريق
امس هي قرصة إذن قويه لغروس عرف من خلالها تركه للعب الإنجليزي الكلاسيكي
إلي يندمر بمجرد التكتكل الدفاعي امامك

إسحاق ومصطفى تحركاتهم ممتازه جداً مسأله تعود على طريقة اللعب الصبر ياجماعة الخير
صبرنا 30 عآم مانصبر 8 شهور على نهاية الموسم نشوف آخرتها ؟

يشهد الله إني متفائل بمباراة الهلال بمنطلق فأل رسولنا الكريم تفائلوا بالخير تجدوه

بالأخير ادعمو ناديكم والله العظيم لو أدري إن الاهلي لـ 30 سنه ثانيه موب محقق الدوري
دعمته بكل ما أقدر !

أول الحاضرين لملعب الملك فهد بالرياض باذن الله واقول قدآم يامجانين قدآم !

اللهم وفق الاهلي فوق كل أرض وتحت كل سماء ..