تبي تكسب أبوك.
تبي تخلي أبوك يثق بك.
تبي أذا قلت لبوك يبه عطن قروش أبسافر مع اخوياي على طول يعطيك.
تبي أذا جت فاتورة الأنتر نت ما يقولك شي ولا يهوشك.
تبي أذا قلت له يبه أبركب كفرات ما يقولك وشبهن كفراتك وش مقضيهن هوأنت من الي يفحطون.
تبي أذا قلت له يبه أبيك تشريلي سيارة النوعية الفلانية يقولك سم تنق الي تبي (طبعاً كلن على قده).
كل هالأمور يمكن أنه تتحقق وبطرق بسيطة وسهلة.
أليك بعض الطرق لتحقيق أهدافك عن طريق أداء واجباتك:
1- أذا جاء أبوك يروح لم المسجد رح معه وحاول تصف بجمبه وعطه المصحف يقرى وأذا قضى خذه منه.
2- أذا طلع من المسجد أمش معه وأمسك يده اليمنى وحبه .
3- أذا دخلتو لم البيت ولقيت لمبة مولعة وهي ماله داعي أنطلق وسكره وقل( الله يهديهم هالبزران بلاهم والله مهب مسددين الفاتورة).
4- أذا لقيت أحد أفراد البيت دالق البزبوز(الحنفية) على أخر شي أنصحه وقله حرام عليك الماء نعمة (طبعاً وابوك يسمع).
5- أذا صار به عزيمة لا تروح لحالك ترى الأبوة يحبون أن عيالهم يمشون معهم على شان يجخون بهم يعني رح معه وأدخل أنت واياه.
6- اذا قالك أحد بالعزيمة ما شاء الله صرت رجل تبي تطلع على أبوك أن شاء الله , قل له ( ليتي أصير لو نص أبوي )طبعاً تكون رافع صوتك حبتين.
7- أذا جاء يمشي من العزيمة أسبقه وجب نعاله أو جزماته وأنطحه عند الباب وحطهن عند رجليه وقله سم يبه دوك نعالك وأنت رافع صوتك حبتين يسمعونك الي بجمبك على شان ينزرق أبوك عندهم.
7- أي وقت تدخل البيت أنحر راسه وحبه .
8- ولا تطلع من البيت ألى وأنت قايل له يبه تامر شي توصين بشي قبل أمشي.
9- لا تزعل أمك أبد ولا توذي خواتك وأخوانك وتسويلي فيها عنتر بالبيت , خلك حبيب وأي شي تقوله أمك قل سمي.
10- أذا قلت له يبه ودي أركب كفرات (مثلاً) وقالك لا ماله لازم , لا تقعد تلطلط وتناقش وتقوله وراه .
وحذاري من أستخدام كلمت ( وش حيثي كل أخوياي أبوتهم يعطونه يسون لهم يركبون لهم يشرون لهم) ترى هاذي أم المصايب وتخرب كل الي قبل.
فلو بغيت تركب كفرات أختر وقت يكون مناسب وابوك رايق وقله بعد ماتمسيه بالخير يبه أدري أن مشاغلك كثيرة وأنت والله ماقصرت وحنا مبلشينك لكن الله يخليك لنا( ومن هالكلام) همن قله والله الكفرات منتهيات وانا والله لو ما أشوف بهن خطر على وعلى أهلي وأخاف أنهن يضربن كان ماقلت لك ولا أبلشتك وأنت شفهن وتراك أبخص.
أتوقع أن هالأسوب يبي يحقق لك معضم المطالب بسهولة ويسر .
طبعاً الموضوع كالعادة منقول - و ملطوش - باييييييييييييييييييييييي ييو
