منافي حلم .... (اول هطول)
بسم الله الرحمن الرحيم
السلام عليكم و رحمة الله و بركاته
أول هطول من القديم يتجدد بكم
(مدخل)
ذي نهايتنا
قصيده
هذا حلمي
و ما لقيته
وإن لقيته ..!!
ضاع من فرحي
بـرِيـقَـه
ما هقيته
ينفض العمر
ويعيده
حلمي أسمعني
تمهل
أو توقف
لحظه من عمري
فريده
كافي بوجيه المرايا
شابت رموش
الحقيقه
ما بقى
غير الزوايا
لحفتني كل ضيقه
يا طريقه ..!!
علمي حلمي طريقه
وجددي بين الحنايا
صبر
ما يقدر يطيقه
يانكون أحباب وإلآ
ننتهي ..
بأية طريقه ..!!
متى ياحلم تنساني أبــطوي رغبتـك وأنسـاك
........... ما دام إحنا لحاجتنا (عجــزنا) / من يودينـا ؟
تــذكــّر كم نهيتك لا تحرضنـي تـرى لـولاك
........... سعــيــد و حروتي بـاكر علـى سـوره آمانينـا
أشـح ابـ بـسمتي دام الأمل مثـواه فـي منـفـاك
........... و مثلك مــا ملك غير إنتظار نشوف شـاطينـا
مراكبنا خُطـانا / و ألسنتنا تنزف بــ(نـفــداك)
........... تعبـنـــا نشحــذ العالي / ترى اتعبنـا خطاوينـا
تــوقــف و أكتب أمالك و رتبها علـى مسعـاك
........... ترى بعض الكراسي قالت : (إن اللخبطه فينا)
لأنّــا قـــد أكلنا مــن عذوق اليـاس / مـا أدراك
........... مــــن اللي كان فـــلاح المصايب فـي مـآسينـا
مـــن اللي كان يسقــيـنا دموع التيه من شبـاك
........... نــذوقه مـر / واذن ضَيمنا (ما مات ساقينـا)؟؟
تــزول أجناس مازالت على مثلي أنا وشرواك
........... تــحــدك للطريق اللـي علــيه نمشي و يعنينـا
أنا سميتك (مـجــازف) على هالحال انا ويّـاك
........... سنين أنهــاك ما تسمع سوى نفسك و (ناعينا)
أنــــا أرجوك تنساني كفايه أكتوي بـ(ذكـراك)
........... انـــا مـــا عـاد لي قـدره علـى إذلال (اسامينـا)
نهاية مفترق دربك ودربي بـ(احـــذر و إيّـاك)
........... انــــا قلبي مــــن البارح يـراهنّي ِ على المينـا
(مخرج)
لا جــديــد إلا الجراح إللي تورثني العنـا
........... لا قــديــم إلا عنا ينبش لي الجرح القديـم
كم لي اسئل يا سحايب من لحلمي قد بنا
........... مـــا لقيت الا سحابك ياوطن مثل السديم
ذا سحـــابك لـو تناسانـا و زود هــمـــنــا
........... المــهـــم القافيه تمطر مع الاحساس ديـم
حاتم منصور
(سفير الحسن)
