فـرق الـشـعــر ( شطحت فـكـر )
( قد نميز الكريستال من الالماس ولكن ) قصيدة حبيسة ادراج الصدر تتنفسني وتخنقني احتياجي لاوكسجينكم النقي أظهرها
هل هي شطحت فكر ام هذه أوامر الشعر
[poem=font="simplified arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لو كل مخلوق تفكيره كبر راسه = كان استحى فيل من تسحيب خرطومه
وماشفت لك ذيب يقوى لحظة نعاسه = الشاه تسرح وهو غرقان في نومه
والحر للخرب يصبح دوم مفراسه = وصار الهدد لرخم ياخوك و البومه
بعض الرجاجيل يقبل مالي الباسه = وعند الشدايد مايسوى قيمة هدومه
جبل ولا هب علمٍ راح قرطاسه = مخيال ثوب النسيم يصفق كمومه
لو المراجل تجي تعلوم ودراسه = كان العرب مابهم من ضيع سلومه
بعض الكرستال يلمع مثل الالماسه = والمدرك اللي يقيّم أول السومه
لكنا في وقتنا ذا ضاعت الطاسه = المال يجعل صغار عقول مخدومه
يالذرب يالقرم كف الجود نبراسه = ياسهيل غيرك نقول نجوم مزعومه
هو به فقير البشر تشتاق مجلاسه = او قيل فيه النعم لو طابت علومه
لاصار فقر الرجل عيبه ومقياسه = اكيد كل الخصايل فيه معدومه
وخطاه يصبح خطيئة حتى من ناسه = والتاجر استغفر الله روح معصومه
وش حال خاطر حطب والمجتمع فاسه = وما ينفخ الضو حظ أشفاه مشرومه
من وين فنجال فزعه يذهب عماسه = والفزعه دلالها قدام مخصومه
هو فيه عينٍ عشان الحب عساسه = او قلب يخفق عشان قلوب مكلومه
يطيح شامخ قدر من قدر مياسه = بنت الصدر نبتت الأضلاع مرحومه
رهف القوارير يكسر من قسا باسه = غرشة عطر بالخطر بإحساس ملغومه
شطحت مدري قصيدي مات حباسه = لاقلت قفلت قافي ضاف معلومه
فرق الشعر شاعرٍ يشتب هوجاسه = للغير وهموم غيره مصدر همومه
وشاعر دموع الطفل ماتوقض إحساسه = اغلا قصايد قصيدة تقضي الزومه
والنقد كدر زلاله حقد بلاسه = افواه تنقط عسل بكواب مسمومه
خالف وتعرف ياتعس اللي بنت ساسه = طموحه القاب لكن لـقب العومه
ومن نظرته عند خشمه سيّده ياسه = ومن ينظر بعيد حقق سيّد حلومه[/poem]
رد: فـرق الـشـعــر ( شطحت فـكـر )
مشــعل الشايقي
صح لســـــانك وإعتـــلا شـــانك
بيض الله وجهك قصيده جزله من شاعر جزل
تقبل مروري ولاتحرمنا من جديدك
رد: فـرق الـشـعــر ( شطحت فـكـر )
الشاعر / مشعل الشايقي
قصيدة رائعة وذات نهج مميز
صح لسانك على هذا الإبداع
بأنتظار ما يفيض به قلمك ..
رد: فـرق الـشـعــر ( شطحت فـكـر )
اقتباس:
المشاركة الأصلية كتبت بواسطة مشعل الشايقي
bkcolor="transparent" bkimage="" border="none,4," type=2 line=0 align=center use=ex num="0,black""]
بعض الرجاجيل يقبل مالي الباسه = وعند الشدايد مايسوى قيمة هدومه
جبل ولا هب علمٍ راح قرطاسه = مخيال ثوب النسيم يصفق كمومه
((اي والله انك صادق))
شطحت مدري قصيدي مات حباسه = لاقلت قفلت قافي ضاف معلومه
((هذا مرض جميع الشعراء الطبار فقط ولا غيرهم ماسرع مايقفل))
فرق الشعر شاعرٍ يشتب هوجاسه = للغير وهموم غيره مصدر همومه
((هذا الشاعر الي يسمى شاعر))
[/poem]
وافي يالوافي
تقبل تحيات اخوك...
ماجد
رد: فـرق الـشـعــر ( شطحت فـكـر )
جزل يا مشعل
صح قلبك وكلك
وسلمت اناملك
تحيتي لك
رد: فـرق الـشـعــر ( شطحت فـكـر )
رد: فـرق الـشـعــر ( شطحت فـكـر )
بوح رائع
من شاعر رائع
ومتجدد الأبداع
صح قلبك ودام حرفك
.....
رد: فـرق الـشـعــر ( شطحت فـكـر )
صح لسانكـ وقلبكـ يامشعل
أبدعتـ
تحيتيـ
رد: فـرق الـشـعــر ( شطحت فـكـر )
رد: فـرق الـشـعــر ( شطحت فـكـر )
[align=center]
مشعل الشايقي
صح الله السانك
نص يستحق الأشاده
دمت بخير
[/align]
رد: فـرق الـشـعــر ( شطحت فـكـر )
مشعل الشايقي ,,,
صح لسانك ولاهنت
بس وش نسوي بزمن الماديات؟؟؟
لكن القيم والمبادئ تبقى هي الجوهر مهما حاول البعض تجاهلها
رد: فـرق الـشـعــر ( شطحت فـكـر )
http://www.r-mbd3.com/vb/uploaded/13371_11197113788.gif
مشعل الشايقي
مفاراقات في زمن عجيب
سلم لنا قلبك واحساسك
دم بخير
صهيــل
رد: فـرق الـشـعــر ( شطحت فـكـر )
ارحب ياسامي العطاوي
لاهنت يالقرم
حضورك تاج فخر
تحيتي وتقديري
رد: فـرق الـشـعــر ( شطحت فـكـر )
بيض الله وجهك يامشعل عزالله انك ماقصرت جبت الشعر الحقيقي انت تستحق كلمة شاعر بجدارة
رد: فـرق الـشـعــر ( شطحت فـكـر )
رائعة ..تمتطي صهوة الإبداع والتميز
سلمت ودمت للعذب المميز شاعرنا ..