صديت عيني لكن القلب ما صد
صديت عيني لكن القلب ما صد
يتبع خطاك يراقب بعيد لبعيد
اشقيتني وياك من صد في رد
بالله قل لي وش معك عاده يفيد
مادام لا حنيت ولا انت في بد
وقلبي هو الشقيان ماينفع ازيد
مجنون فيك ومنك محروم وارد
بكره يجي ويجدد العهد تجديد
وطالن بي الايام مابان لي عد
وروحي اعزيها بكثر التناهيد
الله لا يسقي من الشوق ماهد
حيلي وانا ياشين قد كاني شديد
غيبت عقلي بالهوى معك بالود
لو ينطق احساسي تكلم بتنهيد
في كل نبضٍ بي من اسمك مشيد
وجوارحي معها الحشا بك مقاريد
عيفتني في الكل ماودي بحد
واقفيت عني ما كذا يصير ياعيد
اما تعال ونجمع الشمل ونمد
حبل الوصال وعيدنا عاده سعيد
ولا علي قلبي ترده ولاااا بد
تشفي غليلي منك قبل اني ابيد
وروحي علي تردها رد لي جد
والا اتعلم بعدك الحب واعيد
حباً يعوضني عن الحب والفقد
مابي حياتي دامكم عني بعيد
ارقب واراقب واتحرى متى ترد
بين الرجا والياس عيشتني بقيد
لو صدت عيوني ومعها الجسد صد
قلبي وروحي عنك لا يمكن تحيد
