عطني عذاب .. وخذ بداله سعااااااااااااااده !!! القطرة الاولى !!
حينما دعاني أخي وصديقي الفاضل ( صادق الاحساس ) للمشاركة في هذا المنتدى ، لم اتردد لحظة واحدة لثقتي الكبيرة بحسن توجهاته وسمو ذائقته ، وكنت قبلها قد تلقيت دعوتين كريمتين من الاخوين الفاضلين سعد الحويماني وسعد شبيب وبعد زوال مايمنع مشاركتي معكم جئت اليكم ببضاعة مزجاة لعلكم توفون لنا الكيل ومشاركتي من الانتاج القديم المتجددوسبق نشرها في احدى المطبوعات فلعلها تحوز على قبولكم ورضاكم..
[poem=font="Simplified Arabic5,darkred,bold,normal" bkcolor="transparent" bkimage="" border="double,4,darkred" type=1 line=1 align=center use=ex num="0,black"]
مادام تعذيبي يسرك ويرضيك = عطني عذاب وخذ بداله سعاده
اهجر على كيفك وزود تحديك = وانا بدال الهجر أحبك زياده
لك مني ابكي كل ماحل طاريك= لين البكا يصبح مع الوقت عاده
بعني بسوق الرخص يوم اني أشريك = عساك تلقى من وراي استفاده
اطف الشموع اللي لدربي تقديك = ليل الهوى خله يزيد بسواده
مادام حبي لك غدا فيه تشكيك = لاتلتفت لي لين أقدم شهاده
حاضرك يمحى ماكتبته بماضيك= ونار الهوى ماباقي الا رماده
مهما يجيني منك ماني بناسيك = اسمك كتبته دمع فوق الوساده [/poem]
مع خالص تحياتي ..
اخوكم / ناصر القزلان (( نديم الليالي ))
ملحوظه .. ارجو من الادارة المؤقرة عمل اللازم لتغيير معرفي مع الاحتفاظ باللقب وشكرا