-
غلا المهور
بسم الله والصلاة والسلام على أفضل خلق الله
قصيده قديمه من الأرشيف استخرجتها قد يكون الوقت ملائما لطرحها الآن بحكم أننا
في موسم زواجات وهي تتحدث عن غلا المهور رغم أن الوضع زان عند كثير من
الناس لكن لازلنا نطمح إلى الأفضل ...
عسى أن تعجبكم وتنال رضاكم والعزابيه يدعون لي :مزون:
غلا المهور
[poem=font="simplified Arabic,5,red,bold,normal" Bkcolor="transparent" Bkimage="" Border="double,4,crimson" Type=2 Line=0 Align=center Use=ex Num="0,black"]
مشكلة صد الشباب عن الزواج = مشكله لكن وش أسباب النفور
كل مرض لابد له وصفة علاج = بس الأول نعرف منين القصور
لو بحثنا في دواعي الاحتجاج = نعرف إن المشكلة غلا المهور
الشباب أقول ليه الانحراج= يالله التسهيل والوضع مخبور
هم نصف الدين للعاقل إزعاج = تمشي الأيام والوجهة حدور
هي مصالح او طمع ولا مزاج = افطنوا للعلم يا اولياء الامور
النسا مكسارهن مكسر زجاج = لا انكسر ما احد(ن) يجبر به كسور
بالتعنت والغلا ويش النتاج = الولد يهيت والأنثى تبور
مغريات الوقت يالله الخراج = ما توّفر لا إناث ولا ذكور
مركب الدنيا بخلق الله ماج = قامت الدنيا بخلق الله تمور
كم رزين بشارع الخيبات داج = مل من طول البطا لو هو صبور
يا وسيع العرف يا طلق الحجاج = مثلك يعرف السنع من غير شور
لا اعرض اللي يلتبس للدين تاج = حافظ(ن) دينه على عرضه غيور
المظاهر زايله اسمع يا حاج = والطمع باللب مالك بالقشور
لا تضيعك المظاهر بالعجاج = لا تعيل ولا تميل ولا تجور
لا تعوج ولا تطيع الانعواج = وأستقيم ولا تلف ولا تدور
لا توردها على العد الهماج = لا تعيش العمر ويلات وثبور
لا تخليها بضاعة في حراج = يكسب الدفيع ويفوز الجسور
اطلب المعقول قدر الاحتياج= ما احد (ن) يعني طلب منك مخسور
خلها تشعل لك بقبرك سراج = لا أظلمت عليك ظلمات القبور [/poem]
وسلاااااااامتكم
-
(((( حجز أول )))
:)
احمد
صح لساااانك ملايين ولاتسدك على هالدره
ناقشت قضية غايه في الحساسيه
وهذا هو الشعر الحقيقي الذي يهتم بقضايا المجتمع < ترى ماقريتها وانت اللي كاتبها :)
ابدعت وامتعت لافض فوووك وتسلم يمينك
بس عندي ملاحظه لاهنت
لا تخيلهـا بضاعـة فـي حـراج
يكسب الدفيـع ويفـوز الجسـور
بهالبيت قصدك فعلا كلمة تخيلها او انها غلطه والمراد لاتخليها ؟
لك اطيب تحيه
-
بالتعنـت والغـلا ويـش النتـاج
الولـد يهيـت والأنثـى تـبـور
اختصرت المشكلة في بيت
لله درك يا احمد
مدرسة شعرية بجزالتك وافكارك
صح قلبك وكلك
وسلمت اناملك
تحيتي لك
-
أحمد
قصيده تعالج هم كبير
صح لسااااااااااانك حتى ترضى
بدر
-
المظاهر زايلـه اسمـع يـا حـاج
والطمـع باللـب مالـك بالقشـور
لا تضيعـك المظاهـر بالعـجـاج
لا تعيـل ولا تميـل ولا تـجـور
لا تعـوج ولا تطيـع الانـعـواج
وأستقيـم ولا تلـف ولا تــدور
قصيدة تحكي الكثير من الأمورعن المشكلة , لكنها بإذن الله زائلة ..
سلمت ودمت شاعرنا تصور العذب المميز ..
-
صح السانك يابو مناحي قصيده ومعنهاها يكفي عن التعليق وبيض الله وجهك
اخوك/ نواف الشلاحي
-
فخر اهلها
هلا بك وغلا
صح بدنك ملياااارااااات وطال عمرك
اسعدني مرورك واثلج صدري قرأتك للقصيده بدليل انك اكتشفتي خطأ املائي ومثل
هذا المرور هو الهدف والغايه ..
نعم هو كما تفضلتي خطأ املائي وتم تعديله ..
وبيض الله وجهك على التنبيه ...
لاخليت منك
لكي من القلب شكرا
-
صح لسااااانك
يا صايغ حروف الذهب
بيت ينطح بيت بالجزاله وصح لسنك ثاني وثالث
تقبل مروري وتقديري
-
الراقي احمد مناحي
لله درررك رااائعه
يصبح للشعر قيمه اذا ناقش قضيه اجتماعيه
صح لسااانك
ولاهنتتتتت
النااايف
-
صح لسانك يالمبدع
وغلا المهورمشكلة المشاكل
والشاعر لسان قومه كما قيل وأنت أبدعت يالجزل
لله درك
-
بالتعنـت والغـلا ويـش النتـاج
الولـد يهيـت والأنثـى تـبـور
الله عليك هنا ضربت في صميم الموضوع لله درك مهما قلت لن أوفيك حقك
لأنك الثريا علواً ورفعه
-
[align=center]الشــــــــــــــــــــــ ــــــــــــــــــاعرالسا مي
[fot1]احــــــــــمد مناحي الشـــــــــــــمري[/fot1]
قصيده رائعه من شاعرمبدع
لكل ابداع عنوان
[fot1]( احمدمناحي الشمري )[/fot1]
عنوان ابداع الشعرالراقي
(( الثريا ))[/align]
-
.
الله الله
الغالي احمد مناحي
حي هالراس في ذمتي مبطين عن جزالتك وانت بخيل علينا يااحمد
قصيده تعالج هم يعانون منه الكثير , وهالقصيده وضحت امور كثيره
لله دررررك يااحمد
وارفعوا يدينكم يالعزابيه معي يــــالله انك توفق احمد وتسمع منه ههههههههه
هه وش تبا اكثر من هالدعوه يابو مناحي
صح لسانك مليووووووون
دمت بخير
محمد بن نايف
-
الشاعر أحمد مناحي
صح لسانك وإعتلا شانك
قصيده رائعه
تجسد معاناه إجتماعيه
وتصور لها بعض الحلول
شكرا لك
وبارك الله فيك
-
المظاهر زايلـه اسمـع يـا حـاج
والطمـع باللـب مالـك بالقشـور
لا تضيعـك المظاهـر بالعـجـاج
لا تعيـل ولا تميـل ولا تـجـور
لا تعـوج ولا تطيـع الانـعـواج
وأستقيـم ولا تلـف ولا تــدور
لا تعـوج ولا تطيـع الانـعـواج
وأستقيـم ولا تلـف ولا تــدور
صح لسانك وكلك
وانا متاكده ان العزاب ودهم يحبوون ع راسك
:مزون:
سلام..